Ingeniari industriala, Scrum Master eta Enpresen Zuzendaritzan masterra. Bartzelonako tokiko taldeko kidea da 2013tik. Eremu horretan, bereziki inplikatu zen parte-hartzearen sustapenean, koordinazio-lanetan, sare-komunikazioan eta zabalkundean, eta saltokientzako “Presume de buena energia” kanpaina bultzatu zuen. Talde Eragileko kidea izan zen eta kide aktiboa da gizarte-eraldaketarako beste kooperatiba eta erakunde batzuetan. Trebakuntza defendatzen du, gizarte justuago bat eraikitzeko helburuaz, gizarte-eraldaketa eta ahalduntzea sustatzeko.

Energia-pobretasunean, aholkularitzan, energia berriztagarrietan eta ikerketan aritua da. Gaur egun, energia-trantsizioan lan egiten du. Energiaren eta herritarren arteko loturak sortzen ahalegintzen da, energiaren kudeaketa komunitarioa eta ingurumen-hezkuntza sustatuz. Kide aktiboa da, gizarte- eta ingurumen-justiziaren ikuspegitik, inor atzean utzi gabe eta eraldaketa bultzatzeko asmoz, eredu energetiko berri bat ezartzeko beharra defendatzen duten zenbait gizarte-mugimendu eta irabazi asmorik gabeko erakundetan. Kontsumitzen eta egiten duenaren eta haren etorkizuneko ikuspegiaren arteko koherentzia bilatzen du, eta alergia larria die planteamendu teknozentristei.

Biologoa, Ingurumenean eta Bigarren Hezkuntzako Irakaskuntzan masterra. Ekintzaile ekologista, gizarte- eta ingurumen-justizian aritua. Zenbait herri-erakunde eta -plataformatan parte hartu du. Associació de Naturalistes de Girona elkarteko lehendakaria izan da 3 urtez eta Som Energiaren Gironako tokiko taldearen koordinatzailea da. Kooperatibaren Talde Teknikoko kidea da 2017tik. Erabiltzaileen arretan, fakturazioan eta autoprodukzioan aritzen da.

Iraunkortasun korporatibo eta komunikazio-aholkularia. Ibilbide profesionala kazetaritza ekonomiko, teknologiko eta zientifikoan egin du. Unibertsitateko irakaslea eta enpresaria izan da. Gaur egun, ingurumenaren, gizartearen eta erakundeen gobernantza onaren inguruan ikertzen eta idazten du, eta erakundeei laguntzen die legea betetzen eta pertsonen zein planetaren alde egiten dutena hobeto komunikatzen. Informazio Zientzietan lizentziatua, Komunikazioan masterra eta Ekologia Sozialean, Bitartekaritzarako Komunikazio ez Bortitzean eta Ezagutzaren Kudeaketan trebatua. Teknologian espiritu zibikoa sustatzeko herri-ekimen batean parte hartu zuen eta sinisten du energiaren erabilera solidario eta arduratsua bultzatzeko unea iritsi dela.

Arkitekturan lizentziatua (ETSAUN), energia-efizientzian, jasangarritasunean eta ingurumenean espezializatua. Kooperatibista sutsua, Nafarroako Fiareren bazkidea eta Lurralde Ekimeneko Taldeko kidea. Som Connexió, Landare eta KarKarCar kooperatibaren bazkide sortzailea. Energia Gara Nafarroa tokiko taldeko kidea. Adimen kolektiboa maximizatzen duten parte-hartzean oinarritutako proiektuen, ekonomia alternatibo eta solidarioaren eta eredu energetiko berri eta iraunkor baten (pertsonen esku dagoena, gizartea eraldatzen duena eta inor atzean uzten ez duena) defendatzaile kartsua da.

Kimika Zientzietan doktoregoa egin zuen Bartzelonako Unibertsitatean, eta Katalunian, Estatu Batuetan eta Alemanian aritu da lanean. Kataluniako Klima Aldaketaren Aditu Taldeko kide da, eta Som Energiako bazkide 2011z geroztik. Lleida-Segrià tokiko taldean parte hartzen du, eta Noguerako taldearen sustatzaileetako bat izan zen. Klima-larrialdian egotearen jakitun da, baina uste du, nahi izanez gero, mundu hobea utz diezaiekegula gure ondoreei. Haren iritziz, nahikoa da mezua hedatzearekin eta merezi dutenei, hau da, herritarrei boterea ematearekin. Izan ere, ekintzen hitzek baino eragin handiagoa dute beti.

Lan Harremanetan eta Zuzenbidean graduatua (Bartzelonako Pompeu Fabra Unibertsitatea). Zuzendari ondokoa eta pertsonen kudeaketaren arduraduna elkarlaneko, gizarte-ekimeneko eta irabazi asmorik gabeko Deltacoop, SCC kooperatiban. Estrategia- eta erakunde-kudeaketan eta aholkularitzan diharduten beste kooperatiba batzuekin elkarlanean aritzen da. Horrez gain, Escuela Superior de Ciencias Sociales y de la Empresa eskolak, TecnoCampus-eko Gizarte Ekonomiako katedrak eta Aracoopek antolatutako Kooperatiben eta Ekonomia Sozialeko Enpresen Kudeaketarako graduondoko irakaslea da.

Filosofian lizentziatua (Bartzelonako Unibertsitatea), Kultura Kudeaketan masterra (Universidad Oberta de Catalunya) eta Bartzelonako Unibertsitatearen titulu propioa den Multiplica ikastaroan (kontsumo kontzientea sustatzeko eta zabaltzeko lanbide-gaitasunean espezializatutako ikasketa-programa) tituluduna. Sant Celoni Udaleko kultura-kudeatzailea izan zen 20 urtez, non udalerriko kaleko antzerkia eta arte eszenikoak programatzen aritu baitzen. Gaur egun, bigarren hezkuntzako filosofia-irakaslea da. Aktibista kartsua izaki, lotura estua izan du beti Baix Montsenyko elkartegintzarekin eta beste erakunde batzuekin (Som Mobilitat eta Som Connexió). 2015etik La Clau ateneoaren (Baix Montsenyko zenbait erakunderen eta Baix Montsenyko Som Energiaren tokiko taldearen egoitza) kudeaketa-taldeko kide aktiboa da. Baix Montsenyko tokiko taldearen sortzaileetako bat izan zen eta koordinatzailea da 2012tik.

Enpresa-ikasketak egin zituen, eta ingurumen-finantzetan aditua da. Hamabi urte luzez mundu osoko enpresak deskarbonizatzen aritu da. Finantza-erakundeak, gobernuak eta multinazional industrialak aholkatu ditu finantza-merkatuetan oinarritutako ingurumen-soluzioen inguruan. Zenbait komunikabide nagusitan agertu da, eta hitzaldi-ponentziak egin ditu mundu osoan karbonoaren eta jasangarritasunaren, ingurumen-merkatuen eta deskarbonizaziorako estrategia korporatiboen inguruan. Enpresen Administrazio eta Zuzendaritzan (EAZ) lizentziatua (Budapesteko Cornvinus Unibertsitatea) eta Program for Management Development (PMD) tituluduna (ESADE). Sinisten du gure belaunaldia dela etorkizuneko belaunaldien legatua aldatu dezakeen azkena, eta enpresek berebiziko erantzukizun eta aukera dutela aldaketa lideratzeko.